NEWS UPDATE

Menu

E-Filing of Income Tax Returns


2015-16 സാമ്പത്തിക വര്‍ഷത്തിലെ വരുമാനം കണക്കാക്കി നാം അടക്കാനുള്ള ആദായ നികുതി 2016 ഫെബ്രുവരി മാസത്തെ ശമ്പളത്തോടു കൂടി മുഴുവനായും നാം അടച്ചു കഴിഞ്ഞു. എന്നാല്‍ അതിന്‍റെ റിട്ടേണ്‍ ഫയല്‍ ചെയ്യേണ്ടത് ഈ സാമ്പത്തിക വര്‍ഷത്തിലാണ്. റിട്ടേണ്‍ ഫയല്‍ ചെയ്യുന്നതിനുള്ള അവസാന തീയതി ജൂലൈ 31  എന്നത് ആഗസ്റ്റ് 5 വരെ ദീര്‍ഘിപ്പിച്ചിട്ടുണ്ട്.


 ആരൊക്കെ റിട്ടേണ്‍ സമര്‍പ്പിക്കണം...?

ഒരു സാധാരണ വ്യക്തിയുടെ 80 സി മുതല്‍ 80 യു വരെയുള്ള  ഡിഡക്ഷനുകള്‍ക്ക്  മുമ്പുള്ള വരുമാനം 2.5 ലക്ഷം രൂപയില്‍ കൂടുതലാണെങ്കില്‍ റിട്ടേണ്‍ സമര്‍പ്പിക്കണം.  കഴിഞ്ഞ വര്‍ഷം വരെ 2,000 രൂപ വരെ റിബേറ്റ് ലഭിക്കുന്നത് കൊണ്ട് 2,70,000 രൂപ വരെ വരുമാനമുള്ളവര്‍ നികുതി അടക്കേണ്ടി വന്നിട്ടുണ്ടാകില്ല.(ടുത്ത വര്‍ഷം മുതല്‍ ഈ റിബേറ്റ് 5000 രൂപായിരിക്കും) എന്ന് വെച്ച് 2,70,000 രൂപ വരെ വരെ വരുമാനമുള്ളവര്‍ റിട്ടേണ്‍ സമര്‍പ്പിക്കേണ്ടതില്ല എന്നര്‍ത്ഥമാക്കരുത്. ഡിഡക്ഷന്‍ കഴിഞ്ഞിട്ടുള്ള വരുമാനം 2.5 ലക്ഷം രൂപയിലധികമാണെങ്കില്‍ താങ്കള്‍ക്ക് നികുതി കണക്കാക്കപ്പെടുന്നുണ്ട്. ഒരു താത്കാലിക സംവിധാനം എന്ന നിലയ്ക്ക് 2000 രൂപ വരെ റിബേറ്റ് അനുവദിക്കുന്നു എന്ന് മാത്രം. ഒരു സീനിയര്‍ സിറ്റിസനാണെങ്കില്‍ ഈ പരിധി  3,00,000 രൂപയും സൂപ്പര്‍ സീനിയര്‍ സിറ്റിസണാണെങ്കില്‍ 5,00,000 രൂപയുമാകുന്നു.

ആവശ്യത്തിലധികം നികുതിയടച്ചത് കാരണം റീഫണ്ട് അവകാശപ്പെടുന്നവര്‍ അവരുടെ വരുമാനം  നികുതി വിധേയ വരുമാനത്തെക്കാള്‍ കുറവാണെങ്കിലും റിട്ടേണ്‍ സമര്‍പ്പിക്കണം.

ഹൗസിംഗ് ലോണെടുത്തവര്‍ അതിന്‍റെ പലിശ Income from House Property എന്ന തലക്കെട്ടില്‍ നഷ്ടമായി അവകാശപ്പെടുന്നത് കൊണ്ട് അത്തരക്കാര്‍ വരുമാനം നികുതി വിധേയ വരുമാനത്തിന് താഴെയാണെങ്കിലും റിട്ടേണ്‍ സമര്‍പ്പിക്കണം. 



റിട്ടേണ്‍ ഫയല്‍ ചെയ്യുന്നതെങ്ങിനെ ?

റിട്ടേണ്‍ സമര്‍പ്പിക്കുന്നതിന് പരമ്പരാഗതമായ പേപ്പര്‍ സംവിധാനം നിലവിലുണ്ടെങ്കിലും അതിനെക്കാള്‍ എത്രയോ ലളിതവും സുതാര്യവുമാണ് ഇ-ഫയലിംഗ് സംവിധാനം. മാത്രമല്ല നികുതി വിധേയ വരുമാനം 5 ലക്ഷം രൂപയില്‍ കൂടുതലുള്ളവര്‍ റിട്ടേണ്‍ ഓണ്‍ലൈനായി മാത്രമേ സമര്‍പ്പിക്കാവൂ  പേപ്പര്‍ റിട്ടേണ്‍ സമര്‍പ്പിക്കുന്നതിന് നിശ്ചിത മാതൃകയിലുള്ള ഫോം തന്നെ വേണം. ഇതു പൂരിപ്പിച്ച് ആദായ നികുതി ഓഫീസുകളില്‍ സമര്‍പ്പിക്കണം. എന്നാല്‍ ഓണ്‍ലൈന്‍ റിട്ടേണ്‍ സമര്‍പ്പണം ഒരു ഇ-മെയില്‍ അയക്കുന്ന ലാഘവത്തോടെ നിമിഷങ്ങള്‍ക്കുള്ളില്‍ ചെയ്യാവുന്നതേയുള്ളൂ. സമര്‍പ്പിക്കപ്പെട്ട റിട്ടേണ്‍ വളരെ വേഗത്തില്‍ പ്രോസസ് ചെയ്യപ്പെടുകയും പ്രോസസിംഗിന്‍റെ ഓരോ ഘട്ടത്തിലെയും വിവരങ്ങള്‍ നിങ്ങള്‍ക്ക് SMS വഴിയും ഇ-മെയില്‍ വഴിയും ലഭിക്കുകയും ചെയ്യുന്നു.



ഇ-ഫയലിംഗ് ചെയ്ത് തുടങ്ങാം



ഇ-ഫയലിംഗിന് അത്യാവശ്യം വേണ്ട കാര്യങ്ങള്‍
  • An Email  Account
  • Mobile Number
  • Form 16 issued by Disbursing Officer(s)
  • Your Bank Account Number && IFSC Code
ഇ-ഫയലിംഗ് തുടങ്ങുന്നതിന് മുമ്പ് താങ്കള്‍ക്ക് താങ്കളുടെ ഡിസ്ബേര്‍സിംഗ് ഓഫീസറുടെ പക്കല്‍ നിന്നും TRACES ല്‍ നിന്ന് ഡൗണ്‍ലോഡ് ചെയ്ത ഫോം 16 ലഭിച്ചിട്ടുണ്ടന്നും ഇതില്‍ നിങ്ങളുടെ ശമ്പളത്തില്‍ നിന്നും പിടിച്ച നികുതി മുഴുവനായും ആദായനികുതി വകുപ്പില്‍ ക്രെഡിറ്റ് ചെയ്തതായി  ഫോം 16 ന്‍റെ പാര്‍ട്ട് എ യില്‍ കാണുന്നുണ്ടെന്നും ഉറപ്പ് വരുത്തുക. 

നിങ്ങളുടെ പേരില്‍ ആദായ നികുതി വകുപ്പില്‍ ക്രെഡിറ്റ് ചെയ്യപ്പെട്ടിട്ടുള്ള തുക എത്രയെന്ന് നിങ്ങള്‍ക്ക് തന്നെ പരിശോധിക്കാം. കൂടുതല്‍ വിവരങ്ങള്‍ക്ക് ഈ പോസ്റ്റില്‍ തുടര്‍ന്നുള്ള ഭാഗങ്ങളില്‍ വരുന്ന ടാക്സ് ക്രെഡിറ്റ് പരിശോധിക്കാം  എന്ന ഭാഗം ശ്രദ്ധിക്കുക

ഇ-ഫയലിംഗിന് ആദ്യമായി വേണ്ടത് ഇന്‍കം ടാക്സ് ഡിപ്പാര്‍ട്ട്മെന്‍റിന്‍റെ ഇ-ഫയലിംഗ് വെബ്സൈറ്റായ https://incometaxindiaefiling.gov.in ല്‍ രജിസ്റ്റര്‍ ചെയ്യുക എന്നതാണ്.  നിങ്ങള്‍ നേരത്തേ ഈ വെബ്സൈറ്റില്‍ രജിസ്റ്റര്‍ ചെയ്തിട്ടുണ്ടെങ്കില്‍ Login Here അല്ലെങ്കില്‍ e-File എന്ന ബട്ടണില്‍ ക്ലിക്ക് ചെയ്ത് മുന്നോട്ട് പോകാം.

അടുത്ത സ്ക്രീനില്‍ കാണുന്ന ലോഗിന്‍ വിന്‍ഡോയില്‍ നിങ്ങളുടെ യൂസര്‍ ഐഡി, പാസ് വേര്‍ഡ്, ജനന തീയതി എന്നിവ നല്‍കി ലോഗിന്‍ ബട്ടണില്‍ ക്ലിക്ക് ചെയ്യണം. യൂസര്‍ ഐ.ഡി എന്നത് നിങ്ങളുടെ പാന്‍ നമ്പരായിരിക്കും. പാന്‍കാര്‍ഡില്ലാത്തവര്‍ക്ക് ഇ-ഫയലിംഗ് സാധ്യമല്ല. നിങ്ങള്‍ നല്‍കിയ വിവരങ്ങള്‍ കൃത്യമാണെങ്കില്‍ ഇ-ഫയലിംഗ് വെബ്സൈറ്റിലേക്ക് പ്രവേശിക്കും.

ഇ-ഫയലിംഗ് വെബ്സൈറ്റില്‍ ലോഗിന്‍ ചെയ്യുന്നതിനുള്ള പാസ്‍വേര്‍ഡ് നഷ്ടപ്പെട്ടവര്‍ക്ക് അത് റീസെറ്റ് ചെയ്യുന്നതിനുള്ള മാര്‍ഗ്ഗം ഈ പോസ്റ്റിന്‍റെ അവസാന ഭാഗത്ത് ചേര്‍ത്തിട്ടുണ്ട്



നിങ്ങള്‍ നേരത്തെ ഈ വെബ്സൈറ്റില്‍ രജിസ്റ്റര്‍ ചെയ്തിട്ടില്ലെങ്കില്‍ New To e-Filing? എന്നതിന് താഴെയുള്ള Register Yourself എന്ന ബട്ടണില്‍ ക്ലിക്ക് ചെയ്ത് പിന്നീട് വരുന്ന വിന്‍ഡോയില്‍ Individual/HUF എന്ന ഹെഡില്‍ Individual എന്നത് സെലക്ട് ചെയ്ത് Continue ബട്ടണ്‍ അമര്‍ത്തുക



അപ്പോള്‍ താഴെ കാണുന്ന രജിസ്ട്രേഷന്‍ ഫോം ലഭിക്കും.  ഇതില്‍ നിങ്ങളുടെ പാന്‍ നമ്പരും മറ്റ് വിവരങ്ങളും കൃത്യമായി രേഖപ്പെടുത്തണം. ചുകന്ന സ്റ്റാര്‍ മാര്‍ക്ക് രേഖപ്പെടുത്തിയ ഫീല്‍ഡുകള്‍ നിര്‍ബന്ധമായും പൂരിപ്പിക്കേണം. 

ഇവിടെ നിങ്ങള്‍ നല്‍കുന്ന വിവരങ്ങള്‍ ഇന്‍കം ടാക്സ് ഡിപ്പാര്‍ട്ട്മെന്‍റ് നിങ്ങള്‍ പാന്‍കാര്‍ഡ് എടുക്കുമ്പോള്‍ നല്‍കിയ വിവരങ്ങളുമായി മാച്ച് ചെയ്യുന്നുണ്ടോ എന്ന് ഓണ്‍ലൈനായി വെരിഫൈ ചെയ്യും. വിത്യാസമുണ്ടെങ്കില്‍ രജിസ്ട്രേഷന്‍ നടപടികളുമായി മുന്നോട്ട് പോകാന്‍ കഴിയില്ല. എന്നുവെച്ച് ഇവിടെ വെച്ച് പദ്ധതി ഉപേക്ഷിക്കേണ്ട കാര്യമില്ല.  പാന്‍ ഡാറ്റാബേസിലുള്ള നിങ്ങളുടെ വിവരങ്ങള്‍ അറിയുന്നതിന് ഇവിടെ ക്ലിക്ക് ചെയ്യുക. തുടര്‍ന്ന് വരുന്ന വിന്‍ഡോയില്‍ നിങ്ങളുടെ പാന്‍ നമ്പരും അതിന് താഴെ കാണുന്ന വെരിഫിക്കേഷന്‍ കോഡും നല്‍കിയാല്‍ നിങ്ങളുടെ പാന്‍കാര്‍ഡിലുള്ള വിവരങ്ങള്‍ ലഭ്യമാകും. 

അതല്ലെങ്കില്‍ 1800 180 1961 എന്ന ഫോണ്‍ നമ്പറില്‍ വിളിച്ച് നിങ്ങളുടെ പാന്‍നമ്പരും ജനന തീയതിയും മറ്റും നല്‍കിയാല്‍ ഓരോ ഫീല്‍ഡിലും നിങ്ങളുടെ പാന്‍കാര്‍ഡ് പ്രകാരമുള്ള ഡാറ്റ എന്താണെന്ന് എന്ന് ഒരു പ്രയാസവുമില്ലാതെ പറഞ്ഞു തരും.  

ബേസിക് ഡാറ്റ കൃത്യമായി എന്‍റര്‍ ചെയ്ത് Continue ബട്ടണ്‍ അമര്‍ത്തിക്കഴിഞ്ഞാല്‍ Registration Form ലഭിക്കും. ഇതില്‍ നമ്മുടെ യൂസര്‍ ഐ.ഡി ദൃശ്യമാകും. അതിന് താഴെ പാസ് വേര്‍ഡ് ചേര്‍ക്കുക. പാസ് വേര്‍ഡില്‍ അക്കങ്ങളും അക്ഷരങ്ങളും സ്പെഷ്യല്‍ ക്യാരക്ടറുകളും ഉണ്ടായിരിക്കണം. അതിന് ശേഷം ബാക്കിയുള്ള വ്യക്തിഗത വിവരങ്ങള്‍ പൂരിപ്പിച്ച് Submit ബട്ടണ്‍ അമര്‍ത്തുക. അതോട് കൂടി രജിസ്ട്രേഷന്‍ പൂര്‍ത്തിയാകുകയും അതിന്‍റെ ഒരു ആക്ടിവേഷന്‍ ലിങ്ക് നിങ്ങള്‍ രജിസ്റ്റര്‍ ചെയ്തിട്ടുള്ള ഇ-മെയിലിലേക്ക് അയക്കപ്പെടും.

ഇനി നിങ്ങള്‍ നിങ്ങളുടെ ഇ-മെയില്‍ തുറന്ന് നോക്കുക. അതില്‍ ഈ വെബ്സൈറ്റില്‍ നിന്നും ഒരു മെയില്‍ വന്നിട്ടുണ്ടാകും. അതില്‍ കൊടുത്തിരിക്കുന്ന ലിങ്കില്‍ ക്ലിക്ക് ചെയ്താല്‍ നിങ്ങളുടെ രജിസ്ര്ടേഷന്‍ ആക്ടറ്റിവേറ്റ് ചെയ്യപ്പെടുകയും പ്രസ്തുത വെബ്സൈറ്റിന്‍റെ ലോഗിന്‍ വിന്‍ഡോയില്‍ എത്തുകയും ചെയ്യും. ഇവിടെ ലോഗിന്‍ ബട്ടണില്‍ ക്ലിക്ക് ചെയ്ത് നിങ്ങളുടെ യൂസര്‍ ഐ.ഡിയും പാസ് വേര്‍ഡും നല്‍കിയാല്‍ നിങ്ങള്‍ക്ക് ഇ-ഫയലിംഗ് വെബ്സൈറ്റില്‍ പ്രവേശിക്കാം.
ഇനി നമുക്ക് ഇ-ഫയലിംഗ് പ്രവര്‍ത്തനങ്ങള്‍ തുടങ്ങാം. താഴെ കാണുന്നതു പോലെ e-File എന്ന മെനുവില്‍ Prepare and Submit Online ITR എന്ന മെനു സെലക്ട് ചെയ്യുക


അപ്പോള്‍ താഴെ കാണുന്ന വിന്‍ഡോ പ്രത്യക്ഷപ്പെടും. അതില്‍ ITR Form Name എന്ന സ്ഥലത്ത് ITR-1 എന്നും Assessment Year എന്ന സ്ഥലത്ത് 2016-17 എന്നും സെലക്ട് ചെയ്ത് Prefill Address with എന്നതില്‍ From PAN Database എന്നോ അല്ലെങ്കില്‍ From Previous Return Filed എന്നോ സെലക്ട് ചെയ്യുക. നമ്മുടെ അഡ്രസും മറ്റും ്വമേധയാ ഫില്‍ ചെയ്യുന്നതിനാണിത്. അതിന് ശേഷം Digital Sign എന്നതിന് നേരെ No സെലക്ട് ചെയ്ത് Submit ബട്ടണ്‍ അമര്‍ത്തുക. ഒരു വീടിനു വേണ്ടി മാത്രം ഹൗസിംഗ് ലോണെടുത്തവരും ഇപ്പോള്‍ ITR-1 തന്നെ ഉപയോഗിച്ചാല്‍ മതി.


അപ്പോള്‍ ലഭിക്കുന്ന ITR Form-1 ല്‍ Instructions, Personal Details, Income Details, Tax Details, Taxes Paid and Verification, 80G, AL എന്നിങ്ങനെ 7 ടാബുകള്‍ കാണാം. ഓരോ ടാബില്‍ നിന്നും അടുത്ത ടാബിലേക്ക് പോകുന്നതിന് ടാബുകളില്‍ ക്ലിക്ക് ചെയ്യുകയോ അല്ലെങ്കില്‍ ഓരോ ടാബിലും താഴെയും മുകളിലും കാണുന്ന പച്ച നറത്തിലുള്ള Arrow യില്‍ ക്ലിക്ക് ചെയ്യുകയോ ചെയ്താല്‍ മതി. ഇതില്‍ ഓരോ ടാബിലും എന്‍റര്‍ ചെയ്യേണ്ട വിവരങ്ങളുടെ വിശദ വിവരങ്ങള്‍ താഴെ വിശദീകരിക്കുന്നു.

Instructions

ഒന്നാമത്തെ ടാബില്‍ നിര്‍ദ്ദേശങ്ങള്‍ മാത്രമാണ്. മുന്നോട്ട് പോകുന്നതിന് മുമ്പ് ഈ നിര്‍ദ്ദേശങ്ങള്‍ വ്യക്തമായി വായിച്ചു മനസിലാക്കുക.




Personal Information 


 രണ്ടാമത്തെ ടാബില്‍ വ്യക്തിഗത വിവരങ്ങളും ഫയലിംഗ് സ്റ്റാറ്റസുമാണുള്ളത്. വ്യക്തിഗത വിവരങ്ങളില്‍ മിക്കതും നമ്മുടെ പാന്‍കാര്‍ഡിന്‍റെ ഡാറ്റാബേസില്‍ നിന്നോ കഴിഞ്ഞ വര്‍ഷത്തെ റിട്ടേണില്‍ നിന്നോ  ഫില്‍ ചെയ്തതായി കാണാം. അവശേഷിക്കുന്ന വിവരങ്ങള്‍ മാത്രം എന്‍റര്‍ ചെയ്താല്‍ മതി.
Income Details

മൂന്നാമത്തെ ടാബിലാണ് നമ്മുടെ വരുമാനത്തിന്‍റയും കിഴിവുകളുടെയും വിവരങ്ങള്‍ രേഖപ്പെടുത്തേണ്ടത്. ഇത് പൂരിപ്പിക്കുന്നതിന് നമ്മുടെ കയ്യില്‍ നമ്മുടെ ഡിസ്ബേര്‍സിംഗ് ആഫീസര്‍ ഒപ്പിട്ട് നല്‍കിയ ഫോം-16 നിര്‍ബന്ധമാണ്. അതിലുള്ള വിവരങ്ങളാണ് ഇതിലേക്ക് ചേര്‍ക്കേണ്ടത്. Income from Salary എന്നതിന് നേരെ ചേര്‍ക്കേണ്ടത് നമ്മുടെ Net Salary Income ആണ്. അതായത് Profession Tax തുടങ്ങയവയെല്ലാം കുറച്ചതിന് ശേഷമുള്ള തുക.

ഹൗസിംഗ് ലോണെടുത്തവര്‍ B2 കോളത്തിന് നേരെ Type of House Property എന്നതിന് നേരെ Self Occupied  എന്ന് സെലക്ട് ചെയ്ത് Income from House Peoperty  എന്നതിന് നേരെ ലോണിന് നല്‍കിയ പലിശ മൈനസ് ഫിഗറായി കാണിച്ചാല്‍ മതി. മുതലിലേക്കടച്ച തുക 80സി എന്ന ഡിഡക്ഷനിലാണ് ഉള്‍പ്പെടുത്തേണ്ടത്.



Tax Details

നാലാമത്തെ ടാബില്‍ നമ്മള്‍ 2015-16 പ്രീവയസ് ഇയറില്‍ അടച്ചു തീര്‍ത്തിട്ടുള്ള ടാക്സിന്‍റെ വിവരങ്ങളാണ് നല്‍കേണ്ടത്. ഇതില്‍ തന്നെ 4 വിഭാഗങ്ങളുണ്ട്. 

ഒന്നാമത്തെ വിഭാഗത്തില്‍ ശമ്പള വരുമാനത്തില്‍ നിന്നും ഡിസ്ബേര്‍സിംഗ് ആഫീസര്‍ സ്രോതസില്‍ നികുതി പിടിച്ചെടുത്തിട്ടുണ്ടെങ്കില്‍  ആ വിവരങ്ങളാണ് ചേര്‍ക്കേണ്ടത്. താങ്കളുടെ ഡിസ്ബേര്‍സിംഗ് ഓഫീസര്‍ കൃത്യമായി Quarterly TDS Returns ഫയല്‍ ചെയ്തിട്ടുണ്ടെങ്കില്‍ താങ്കളുടെ  ശമ്പളത്തില്‍ നിന്നും പിടിച്ചെടുത്ത ടാക്സും ഓഫീസിന്‍റെ ടാന്‍ നമ്പരും പേരും ഇവിടെ സ്വമേധയാ പ്രത്യക്ഷപ്പെടും. 

2015-16 സാമ്പത്തിക വര്‍ഷം ഡിസംബര്‍ മാസത്തോടു കൂടി ഗസറ്റഡ് ഉദ്യോഗസ്ഥരുടെ സെല്‍ഫ് ഡ്രോയിംഗ് സംവിധാനം അവസാനിച്ച വിവരം നമുക്ക് അറിയാമല്ലോ. ആയതിനാല്‍ ഇത്തരക്കാരുടെ ടി.ഡി.എസ് വിവരങ്ങളില്‍ രണ്ട് നിരകളെങ്കിലും കാണാം. ഡിസംബര്‍ മാസം വരെ പിടിച്ചെടുത്ത നികുതി ട്രഷറിയുടെ ടാന്‍ നമ്പരിലും അതിന് ശേഷം പിടിച്ച നികുതി മ്മുടെ ഓഫീസ് ടാന്‍ നമ്പരിലും രേഖപ്പെടുത്തിതായി കാണാം.  നമ്മള്‍ അടച്ച നികുതി മുഴുവനായി ഇവിടെ വരുന്നില്ലെങ്കില്‍ അതിനുള്ള കാരണങ്ങള്‍ പരിശോധിക്കുക. ഇത് ശ്രദ്ധിക്കാതെ ഇ-ഫയലിംഗ് പൂര്‍ത്തീകരിച്ചാല്‍ നികുതി അടച്ചിട്ടില്ല എന്നറിയിക്കുന്ന നോട്ടീസുകള്‍ ആദായനികുതി ഓഫീസില്‍ നിന്നും ലഭിക്കുന്നതാണ്.

രണ്ടാമത്തെ വിഭാഗത്തില്‍ സാലറിയല്ലാത്ത മറ്റ് വരുമാനങ്ങളില്‍ നിന്നും സ്രോതസ്സില്‍ പിടിച്ചെടുത്തിട്ടുള്ല നികുതി വിവരങ്ങളാണ് കാണിക്കേണ്ടത്. 

മൂന്നാമത്തെ വിഭാഗത്തില്‍ Tax Collected at Source ന്ന വിഭാഗത്തിലുള്ള നികുതികളാണ് വരുന്നത്

നാലാമത്തെ വിഭാഗത്തില്‍ നമ്മള്‍ നേരിട്ട് അടച്ചിട്ടുള്ള നികുതിയുടെ വിവരങ്ങളാണ് ചേര്‍ക്കേണ്ടത്.

 


Taxes Paid & Verification

അഞ്ചാമത്തെ ടാബില്‍  ഒന്നാമത്തെ വിഭാഗത്തില്‍ നമ്മളുടെ ഇന്‍കം ടാക്സ് വിവരങ്ങളും ഇതുവരെ അടച്ച നികുതിയും ബാക്കി അടക്കാനുണ്ടെങ്കില്‍ ആ വിവരങ്ങളും ദൃശ്യമാകും. മുഴുവന്‍ നികുതിയും കൃത്യമായി അടച്ചിട്ടുണ്ടെങ്കില്‍ Tax Payable എന്നതിന് നേരെയും Refund എന്നതിന് നേരെയും പൂജ്യം പ്രത്യക്ഷപ്പെടണം. ഈ കാര്യം പ്രത്യേകം ശ്രദ്ധിക്കുക.

D.20 എന്ന ഐറ്റത്തിന് നേരെ കഴിഞ്ഞ സാമ്പത്തിക വര്‍ഷത്തില്‍ പ്രവര്‍ത്തനക്ഷമമായിരുന്ന നമ്മുടെ ബാങ്ക് അക്കൌണ്ടുകളുടെ എണ്ണം നല്‍കുക. തുടര്‍ന്ന് D.20(a) എന്നതിന് നേരെ റീഫണ്ട് ഉണ്ടെങ്കില്‍ ക്രെഡിറ്റ് ചെയ്യുന്നതിനു വേണ്ടി ആഗ്രഹിക്കുന്ന ബാങ്കിന്‍റെ പേര്, അക്കൗണ്ട് നമ്പര്‍, IFSC കോഡ്, ഏത് തരം അക്കൗണ്ട് എന്നീ വിവരങ്ങള്‍ നല്‍കുക.  ബാങ്കുകളുടെ IFSC Code അറിയില്ലെങ്കില്‍ ചെക്ക് ലീഫില്‍ നോക്കിയാല്‍ മതി. അതല്ലെങ്കില്‍  Google ല്‍ സെര്‍ച്ച് ചെയ്താല്‍ ലഭ്യാമാകും. ഏതെങ്കിലും ഒരു ബാങ്ക് അക്കൗണ്ടിന്‍റെ വിവരം നിര്‍ബന്ധമായി പൂരിപ്പിച്ചിരിക്കണം. ഒന്നിലധികം ബാങ്ക് അക്കൗണ്ട് ഉണ്ടെങ്കില്‍ അതിന്‍റെ വിവരങ്ങള്‍ D.20(b)യില്‍ ഓരോന്നായി ചേര്‍ക്കുക. ഇത് നിര്‍ബന്ധമില്ല. 

മൂന്നാമത്തെ Verification എന്ന വിഭാഗത്തില്‍ Place മാത്രം പൂരിപ്പിച്ചാല്‍ മതി. അതിന് താഴെയുള്ള TRP Details എന്‍റര്‍ ചെയ്യേണ്ടതില്ല. 


80G

ആറാമത്തെ ടാബില്‍ 80G പ്രകാരം നമ്മള്‍ ക്ലെയിം ചെയ്തിട്ടുള്ള കിഴിവുകളുടെ വിവരങ്ങളാണ് നല്‍കേണ്ടത്. വ്യത്യസ്ത അളവുകളില്‍ ക്ലെയിം ചെയ്യാവുന്ന കിഴിവുകളും ഓരോ വിഭാഗത്തിലും തലക്കെട്ടുകള്‍ നോക്കി പൂരിപ്പിക്കുക. ഇത്തരം കിഴിവുകള്‍ ഒന്നുമില്ലെങ്കില്‍ പൂരിപ്പിക്കേണ്ടതില്ല. 

AL


ഈ ടാബ് ഇത്തവണ പുതിയതായി കൂട്ടിച്ചേര്‍ത്തതാണ്. 50 ലക്ഷത്തിലധികം വരുമാനമുള്ളവര്‍ അവരുടെ സ്വത്തുവിവരങ്ങള്‍ നല്‍കുന്നതിനാണ് ഈ ടാബ്. 50 ലക്ഷത്തില്‍ താഴെ വരുമാനമുള്ളവര്‍ ഇതു പൂരിപ്പിക്കേണ്ടതില്ല.
 
എല്ലാ ടാബുകളും പൂരിപ്പിച്ച് Submit ബട്ടണ്‍ അമര്‍ത്തുമ്പോള്‍ പൂരിപ്പിച്ചതില്‍ എന്തെങ്കിലും തകരാറുണ്ടെങ്കില്‍ എറര്‍ മെസേജ് പ്രത്യക്ഷപ്പെടും. ഇത്തരം തെറ്റുകള്‍ പരിഹരിച്ചതിന് ശേഷം വീണ്ടും സബ്മിറ്റ് ചെയ്യുക. സബ്മിറ്റ് ചെയ്തു കഴിഞ്ഞാല്‍ ഇ-വെരിഫിക്കേഷനുള്ള ഓപ്ഷനുകളടങ്ങിയ താഴെ കാണുന്ന വിന്‍ഡോ പ്രത്യക്ഷപ്പെടും.

എന്താണ് EVC
EVC എന്നാല്‍ Electronic Verification Code എന്നാണ്. ഇലക്ട്രോണിക് വെരിഫിക്കേഷന്‍ നടത്തിയാല്‍ പിന്നെ റിട്ടേണ്‍ സബ്മിറ്റ് ചെയ്യുമ്പോള്‍ ഭിക്കുന്ന ITR-V ബാങ്ക്ലൂരിലെ സെന്‍ട്രല്‍ പ്രോസസിംഗ് സെന്‍ററിലേക്ക് അയക്കേണ്ടതില്ല. ഇലക്ട്രോണിക് വെരിഫിക്കേഷനോടു കൂടി റിട്ടേണ്‍ ഫയലിംഗ് പ്രോസസ് പൂര്‍ത്തിയാകുന്നു.

Option-1 : നമ്മള്‍ േരതെ തന്നെ EVC ജനറേറ്റ് ചെയ്തു വെച്ചിട്ടുണ്ടെങ്കില്‍ ഒന്നാമത്തെ ഓപ്ഷന്‍ സെലക്ട് ചെയ്യുക. (നേരത്തെ EVC നറേറ്റ് ചെയ്യാന്‍ e-file  നുവിലെ Generate EVC എന്ന ഓപ്ഷന്‍ ഉപയോഗിക്കാം. അത് പോലെ SBI ATM Card ഉപയോഗിച്ച് എ.ടി.എം കണ്ടറുകളില്‍ നിന്നും ഇപ്പോള്‍ EVC ജനറേറ്റ് ചെയ്യാം എന്ന് പറയപ്പെടുന്നു)

Option-2 :ഇപ്പോള്‍ EVC നറേറ്റ് ചെയ്യാന്‍ ഉദ്ദേശിക്കുന്നുവെങ്കില്‍ രണ്ടാമത്തെ ഓപ്ഷനില്‍ ക്ലിക്ക് ചെയ്യുക. 

Option-3 :ആധാര്‍ നമ്പര്‍ ഉപയോഗിച്ച് EVC ജനറേറ്റ് ചെയ്യുന്നതിന് മൂന്നാമത്തെ ഓ്ഷന്‍ ഉപയോഗിക്കുക. പക്ഷെ ഇതിന് ആധാര്‍ കാര്‍ഡിലെ പേരും പാന്‍ കാര്‍ഡിലെ പേരും തീര്‍ത്തും സാമ്യമായിരിക്കണം. അല്ലെങ്കില്‍ ഇതിന് സാധിക്കില്ല.

Option-4 :ഇനി ഇ-െരിഫിക്കേഷന്‍ നടത്താന്‍ ഉദ്ദേശിക്കുന്നില്ലെങ്കിലോ അതല്ലെങ്കില്‍ EVC പിന്നീട് ജനറേറ്റ് ചെയ്യാന്‍ ഉദ്ദേശിക്കുന്നുവെങ്കിലോ നാലാമത്തെ ഓപ്ഷന്‍ സ്വീകരിച്ചാല്‍ മതി.  



മുകളില്‍ നല്‍കിയ നാല് ഓപ്ഷനുകളില്‍ ഏറ്റവും അനുയോജ്യം രണ്ടാമത്തെ ഓപ്ഷനാണ്. അതില്‍ ക്ലിക്ക് ചെയ്യുമ്പോള്‍ താഴെ കാണുന്ന ഓപ്ഷനുകള്‍ ലഭി്കും. ഇതില്‍ ഏറ്റവും എളുപ്പം EVC - To Registered Email id and Mobile NumberTo Registered Email id and Mobile Numbe എന്ന To Registered Email id and Mobile NumberTo Registered Email id and Mobile Numberനാലാമത്തെ ഓപ്ഷനാണ്. ഇതില്‍ ക്ലിക്ക് ചെയ്താല്‍ നമ്മുടെ ഇ-മെയിലിലേക്കം രജിസ്ട്രേഡ് മൊബൈലിലേക്കും EVC െസേജ് ആയി വരും.
 
നമ്മുടെ നികുതി വിധേയ വരുമാനം 5 ലക്ഷം രൂപയില്‍ അധികമാണെങ്കിലും അതല്ലെങ്കില്‍ അടച്ച നികുതി റീഫണ്ട് ലഭിക്കാനുണ്ടെങ്കിലും  EVC മൊബൈല്‍ ഫോമിലും ഇ-മെയിലിലേക്കും വരുന്നതിനുള്ള രണ്ടാമത്തെ ഓപ്ഷന്‍ ലഭ്യമാവുകയില്ല. അങ്ങിനെയുള്ളവര്‍ മറ്റ് ഓപ്ഷനുകള്‍ ഉപയോഗിക്കുകയോ അതല്ലെങ്കില്‍ ഇലക്ട്രോണിക് വെരിഫിക്കേഷന്‍ നടത്താതെ ITR-V സെന്ട്രല്‍ പ്രോസസിംഗ് സെന്‍ററിലേക്ക് അയച്ചു കൊടുത്താലോ മതി.


ഇതോടൊപ്പ താഴെ കാണുന്ന വിന്‍ഡപ്രത്യക്ഷപ്പെടും. ഇതില്‍ മെസേജില്‍ വന്ന EVC ൈപ്പ് ചെയ്ത് Submit ബട്ടണ്‍ അമര്‍ത്തുക.


ോടു കൂടി താഴെ കാണുന്ന Return Successfully e-verified എന്ന താഴെ കാണുന്ന മെസേജ് പ്രത്യക്ഷപ്പെടും. ഇതില്‍ കാണുന്ന Click here to Attachement എന്ന ബട്ടണില്‍ ക്ലിക്ക് ചെയ്താല്‍ ITR-V പി.ഡി.എഫ് ഫയലായി ഡൗണ്‍ലോഡ് ചെയ്യും.



ഇത് ഒരു പാസ് വേര്‍ഡ് പ്രൊട്ടക്ടഡ് ഫയലാണ്. ഇതിന്‍ പാസ് വേര്‍ഡായി ചെറിയ അക്ഷരത്തില്‍ നമ്മുടെ പാന്‍നമ്പരും ജനനതീയതിയും ചേര്‍ത്ത് നല്‍കുക. ഉദാഹരണമായി പാന്‍നമ്പര്‍ ABCDE1234X എന്നും ജനന തീയതി 01/01/1980 ഉം ആണെങ്കില്‍ പാസ് വേര്‍ഡ് abcde1234x01011980 എന്ന് നല്‍കുക.  അപ്പോള്‍ ഇത് ഓപ്പണ്‍ ചെയ്യപ്പെടും.  

ഇ-വെരിഫിക്കേഷന്‍ നടത്തിയിട്ടില്ലെങ്കില്‍ ഈ ITR-V  പ്രിന്‍റൗട്ട് എടുത്ത് ഒപ്പിട്ട് 120 ദിവസത്തിനുള്ളില്‍ ലഭിക്കത്തക്ക വിധത്തില്‍ സ്പീഡ് പോസ്റ്റ് അല്ലെങ്കില്‍ സാധാരണ പോസ്റ്റില്‍ (കൊറിയര്‍ സ്വീകരിക്കില്ല) Income Tax Department -  CPS, Post Bag No:1, Electronic City Post Office, Bengaluru 560100, Kanrnataka എന്ന അഡ്രസില്‍ അയച്ചാല്‍ മതി. ഒരു ഓഫീസിലുള്ളവരുടെ ITR-V എല്ലാം കൂടി ഒരു കവറിലിട്ട് അയച്ചാലും മതി. മറ്റ് യാതൊരു രേഖകളും ഇതിന്‍റെ കൂടെ അയക്കേണ്ടതില്ല. ഒരു പേജുള്ള ITR-V മാത്രം അയച്ചാല്‍ മതി.



അരിയര്‍ സാലറിയുടെ റിലീഫ് ( Relief u/s 89(1) ) അവകാശപ്പെട്ടിട്ടുണ്ടെങ്കില്‍

കഴിഞ്ഞ സാമ്പത്തിക വര്‍ഷം അതിന് മുമ്പുള്ള വര്‍ഷങ്ങളിലെ സാലറി അരിയറായി ലഭിച്ചതു കാരണം ചിലരെങ്കിലും 10E ഫോം തയ്യാറാക്കി റിലീഫ് ക്ലെയിം ചെയ്തിട്ടുണ്ടായിരിക്കും. ഇങ്ങനെയുള്ളവര്‍ പ്രത്യേകം ശ്രദ്ധിക്കുക. കഴിഞ്ഞ വര്‍ഷം മുതല്‍ ുതിയ സംവിധാനം നിലവില്‍ വന്നിട്ടുണ്ട്. ഇത് പ്രകാരം 89(1) പ്രകാരം റിലീഫ് അവകാശപ്പെടുന്നവര്‍ അതിന്‍റെ വിവരം ഇ-ഫയലിംഗ് ഫോമിലെ Income Details എന്ന ടാബില്‍ D7 എന്ന ഐറ്റത്തിന് നേരെ കാണിച്ചാല്‍ മാത്രം പോര. ഇതിന് പുറമെ റിലീഫിന്‍റെ പൂര്‍ണ്ണമായ വിവരങ്ങള്‍ ഓണ്‍ലൈനായും സബ്മിറ്റ് ചെയ്യണം. ഇത് ചെയ്തിട്ടില്ലാ എങ്കില്‍ റിലീഫ് ക്ലെയിം ചെയ്ത അത്രയും തുക നികുതി അടക്കണമെന്ന് കാണിച്ച് ഇന്‍കം ടാക്സ് ഡിപ്പാര്‍ട്ട്മെന്‍റില്‍ നിന്നും നോട്ടീസ് വരും. കഴിഞ്ഞ വര്‍ഷം ഒരു പാട് പേര്‍ ഇതിന് ഇരകളായിട്ടുണ്ട്. 

റിലീഫ് വിവരങ്ങള്‍ സബ്മിറ്റ് ചെയ്യുന്നതിന് ഇ-ഫയലിംഗ് വെബ്സൈറ്റില്‍ ലോഗിന്‍ ചെയ്ത് e-file എന്ന മെനുവിലെ Prepare and Submit Online Form(Other Than ITR)  എന്ന മെനുവില്‍ ക്ലിക്ക് ചെയ്യുക.
 
തുടര്‍ന്ന് വരുന്ന വിന്‍ഡോയില്‍ Form Name എന്നതിന് നേരെയുള്ള കോംബോ ബോക്സില്‍ നിന്നും Form No.10E-Form എന്നത് സെലക്ട് ചെയ്യുക. Assessment Year എന്നതിന് നേരെ 2016-17 എന്നും സെലക്ട് ചെയ്യുക. തുടര്‍ന്ന് Continue ബട്ടണ്‍ അമര്‍ത്തുക.
 
ുടര്‍ന്ന് താഴെ കാണുന്നതപോലെ വ്യത്യസ്ത ടാബുകളോടുകൂടിയ പേജ് ദൃശ്യമാകും. ഇതിലെ ഓരോ ടാബിലെയും വിവരങ്ങള്‍ നിങ്ങള്‍ നേരത്ത തയ്യാറാക്കി വെച്ചിട്ടുള്ള 10E ഫോമിന് സമാനമാണ്. അത് കൊണ്ട് ഓരോ ടാബം വിശദമാക്കുന്നില്ല. ഇത് പൂരിപ്പിക്കുമ്പോള്‍ നമ്മുടെ കൈശം നേരത്തെ തയ്യാറാക്കിയ 10E  ഫോം ഉണ്ടായാല്‍ മതി.



 എല്ലാ ടാബുകളും ഫില്‍ ചെയ്തതിന് ശേഷം സബ്മിറ്റ് ചെയ്യുക. അരിയര്‍ റിലീഫ് ഉള്ളവര്‍ ഇതും കൂടി സബ്മിറ്റ് ചെയ്യുമ്പോഴേ ഇ-ഫയലിംഗ് പൂര്‍ണ്ണമാകുന്നുള്ളു. ഇത് ചെയ്യാതിരുന്നാല്‍ ബാധ്യതാ നോട്ടീസ് വരും എന്നത് ഉറപ്പാണ്.


ഇ-ഫയലിംഗിന് ശേഷം തെറ്റുകള്‍ കണ്ടെത്തിയാല്‍

ഒരിക്കല്‍ സബ്മിറ്റ് ചെയ്ത ഇ-റിട്ടേണില്‍ എന്തെങ്കിലും തെറ്റുകള്‍ കണ്ടെത്തിയാല്‍ മുകളില്‍ പറഞ്ഞ അതേ നടപടി ക്രമങ്ങളിലൂടെ കൃത്യമായ വിവരങ്ങള്‍ വെച്ച് ഒരിക്കല്‍ കൂടി റിട്ടേണ്‍ സമര്‍പ്പിച്ചാല്‍ മതി. ഇതില്‍ രണ്ടാമത്തെ ടാബില്‍ Filing Status എന്ന ഹെഡിന് കീഴില്‍ A21 എന്ന കോളത്തിന് നേരെ Revised 139(5) എന്ന് സെലക്ട് ചെയ്യണം. എന്നിട്ട് സബ്മിറ്റ് ചെയ്ത് ലഭിക്കുന്ന ITR-V മാത്രം  മേല്‍ പറഞ്ഞ അഡ്രസിലേക്ക് അയച്ചാല്‍ മതി

ലോഗിന്‍ പാസ്‍വേര്‍ഡ് റീസെറ്റ് ചെയ്യാം

മിക്കവാറും പേര്‍ കഴിഞ്ഞവര്‍ഷം ഈ വെബ്സൈറ്റില്‍ രജിസ്റ്റര്‍ ചെയ്ത് ഇ-ഫയലിംഗ് നടത്തിയവരായിരിക്കും. പക്ഷെ യൂസര്‍ നെയിമും പാസ്‍വേര്‍ഡും എഴുതി വെക്കുകയോ ഓര്‍ത്തു വെക്കുകയോ ചെയ്തിട്ടുണ്ടാകില്ല. ഇങ്ങനെയുള്ളവര്‍ ശ്രദ്ധിക്കുക. യൂസര്‍ നെയിം എന്നത് താങ്കളുടെ PAN നമ്പരാണ്. ഇതേ PAN നമ്പരില്‍ വീണ്ടും രജിസ്റ്റര്‍ ചെയ്യാന്‍ സാധ്യമല്ല. ആയത് കൊണ്ട് നേരത്തേ രജിസ്റ്റര്‍ ചെയ്ത അക്കൗണ്ടിന്‍റെ പാസ്‍വേര്‍ഡ് റീസെറ്റ് ചെയ്യുകയേ മാര്‍ഗ്ഗമുള്ളൂ.

പാസ്‍വേര്‍ഡ് റീസെറ്റ് ചെയ്യുന്നതിന് ഇ-ഫയലിംഗ് വെബ്സൈറ്റിന്‍റെ ഹോം പേജില്‍ കാണുന്ന Login Here എന്ന മഞ്ഞ നിറത്തിലുള്ള ബട്ടണില്‍ ക്ലിക്ക് ചെയ്യുക. തുടര്‍ന്ന് യൂസര്‍ ഐ.ഡി യും പാസ്‍വേര്‍ഡും നല്‍കേണ്ട വിന്‍ഡോ പ്രത്യക്ഷപ്പെടും ആ വിന്‍ഡോയുടെ താഴെ ഭാഗത്തായി കാണുന്ന Forgot Password? എന്ന ലിങ്കില്‍ ക്ലിക്ക് ചെയ്യുക


തുടര്‍ന്ന് താഴെ കാണുന്ന Reset Password എന്ന വിന്‍ഡോ ലഭിക്കും. ഇതില്‍ യൂസര്‍ ഐ.ഡി യായി നിങ്ങളുടെ പാന്‍ നമ്പര്‍ നല്‍കുക. പിന്നീട് ഇമേജില്‍ തെളിയുന്ന കോഡ് Enter the number as in image എന്നതിന് നേരെയുള്ള ബോക്സില്‍ എന്‍റര്‍ ചെയ്ത് Continue ബട്ടണ്‍ അമര്‍ത്തുക.


തുടര്‍ന്ന പാസ്‍വേര്‍ഡ് റീസെറ്റ് ചെയ്യുന്നതിനുള്ള മൂന്ന ഓപ്ഷനുകള്‍ കാണിച്ചുകൊണ്ടുള്ള വിന്‍ഡോ തുറക്കും.  ഒന്നാമത്തെ ഓപഷനായ Answer Secret Question എന്ന സെലക്ട് ചെയ്താല്‍ താഴെ ജനന തീയതി നല്‍കി Select Question എന്ന കോമ്പോ ബോക്സില്‍ നിന്നും നമ്മള്‍ നേരത്തെ അക്കൗണ്ട് ക്രിയേറ്റ് ചെയ്യുമ്പോള്‍ സെലക്ട് ചെയ്ത ചോദ്യം സെലക്ട് ചെയ്ത് അതിന് നമ്മള്‍ നല്‍കിയിരുന്ന ഉത്തരം എന്‍റര്‍ ചെയ്ത് Validate Button അമര്‍ത്തിയാല്‍ പുതിയ പാസ്‍വേര്‍ഡ് നല്‍കുന്നതിനുള്ള വിന്‍ഡോ ലഭിക്കും


രണ്ടാമത്തെ ഓപ്ഷന്‍ സെലക്ട് ചെയ്താല്‍ ഡിജിറ്റല്‍ സിഗ്നേച്ചര്‍ സര്‍ട്ടിഫിക്കേറ്റ് അപ്‍ലോഡ് ചെയ്ത് പാസ്‍വേര്‍ഡ് റീസെറ്റ് ചെയ്യാം.



മൂന്നാമത്തെ ഓപ്ഷന്‍ സെലക്ട് ചെയ്താല്‍ അതില്‍ രണ്ട് ഓപ്ഷന്‍ ലഭ്യമാകും. ഒന്ന് നിലവില്‍ രജിസ്റ്റര്‍ ചെയ്തിട്ടുള്ള ഇ-മെയിലും മൊബൈല്‍ നമ്പരും ഉപയോഗിച്ചുള്ളതും രണ്ടാമത്തെത് പുതിയ ഇ-മെയിലും മൊബൈല്‍ നമ്പരും ഉപയോഗിച്ചുള്ളതും. പുതിയതാണ് ഉപയോഗിക്കുന്നതെങ്കില്‍ താഴെ കാണുന്ന മൂന്ന് ഓപ്ഷനില്‍ ഏതെങ്കിലും ഒന്ന് സെലക്ട് ചെയ്ത് അതിന്‍റെ വിവരങ്ങള്‍ എന്‍റര്‍ ചെയ്യേണ്ടി വരും. ഇങ്ങനെ റീസെറ്റ് ചെയ്ത പാസ്‍വേര്‍ഡ് ആക്ടീവാകാന്‍ 24 മണിക്കൂര്‍ സമയമെടുക്കും.





ഈ പ്രസ്താവിച്ച രീതിയിലൊന്നും പാസ്‍വേര്‍ഡ് റീസെറ്റ് ചെയ്യാന്‍ കഴിയുന്നില്ലെങ്കില്‍ പാസ്‍വേര്‍ഡ് റീസെറ്റ് ചെയ്യുന്നതിനുള്ള ഒരു റിക്വസ്റ്റ് validate@incometaxindia.gov.in എന്ന ഇ-മെയിലിലേക്ക് അയച്ചാല്‍ മതി. റിക്വസ്റ്റില്‍ താങ്കളുടെ പാന്‍ നമ്പര്‍, പേര്, ജനന തീയതി,  പിതാവിന്‍റെ പേര്, പാന്‍കാര്‍ഡ് പ്രകാരമുള്ള വിലാസം എന്നിവ ഉള്‍പ്പെടുത്തിയിരിക്കണം. വിവരങ്ങള്‍ വെരിഫൈ ചെയ്തതിന് ശേഷം പുതിയ പാസ്‍വേര്‍ഡ് താങ്കള്‍ക്ക് മറുപടി ഇ-മെയിലായി ലഭിക്കും. മറുപടി ലഭിക്കുന്നതിന് ഒരാഴ്ചയോളം സമയമെടുത്തേക്കാം.


ടാക്സ് ക്രെഡിറ്റ് പരിശോധിക്കാം



ഇ-ഫയലിംഗ് വെബ്സൈറ്റില്‍ ലോഗിന്‍ ചെയ്ത് കഴിഞ്ഞാല്‍ നമുക്ക് നമ്മള്‍ നേരിട്ട് അടച്ചിട്ടുള്ളതും  നമ്മുടെ ശമ്പളത്തില്‍ നിന്നും പിടിച്ചിട്ടുള്ളതുമായി ടാക്സ് നമ്മുടെ പേരില്‍ ആദായ നികുതി വകുപ്പില്‍ ക്രെഡിറ്റ് ചെയ്യപ്പെട്ടിട്ടുണ്ടോ എന്ന് പരിശോധിക്കാം.ഇതിന് വേണ്ടി വെബ്സൈറ്റില്‍ ഇടതുവശത്ത് കാണുന്ന Quick Link എന്ന സെക്ഷനില്‍ കാണുന്ന View Form 26AS (Tax Credit) എന്ന ലിങ്കില്‍ ക്ലിക്ക് ചെയ്യുക.അപ്പോള്‍ ഇന്‍കം ടാക്സ് ഡിപ്പാര്‍ട്ട്മെന്‍റിന്‍റെ TDS കാര്യങ്ങളുടെ ചുമതലയുള്ള TRACE എന്ന വെബ്സൈറ്റിലേക്ക് റീ-ഡൈറക്ട് ചെയ്യും. ഇതിന് വേണ്ടി Confirm ബട്ടണ്‍ അമര്‍ത്തുക.

 
തുടര്‍ന്ന് താഴെ കാണുന്ന വിന്‍ഡോ പ്രത്യക്ഷപ്പെടും.  അതിന് ഏറ്റവും താഴെ കാണുന്ന  View Tax Credit(26AS) എന്ന ലിങ്കില്‍ ക്ലിക്ക് ചെയ്യുക.

അതേ തുടര്‍ന്ന് നിങ്ങളുടെ വ്യക്തിഗത വിവരങ്ങള്‍ കാണിച്ചുകൊണ്ടുള്ള താഴെ കാണുന്ന വിന്‍ഡോ പ്രത്യക്ഷമാകും. ഇതിന്‍റെ മുകള്‍ ഭാഗത്ത് Assessment Year എന്നതിന് നേരെ 2015-16 എന്നും View As എന്നതിന് നേരെ PDF എന്നും സെലക്ട് ചെയ്ത് View/Download എന്ന ബട്ടണില്‍ ക്ലിക്ക് ചെയ്യുക.


അപ്പോള്‍ നിങ്ങളുടെ കമ്പ്യൂട്ടറിലേക്ക് ഒരു PDF ഫയല്‍ ഡൗണ്‍ലോഡ് ചെയ്യപ്പെടും. ഈ ഫയല്‍ ഓപ്പണ്‍ ചെയ്യുന്നതിന് പാസ്‍വേര്‍ഡ് ആവശ്യപ്പെടും. അപ്പോള്‍ നിങ്ങളുടെ ജനന തീയതി നല്‍കിയാല്‍ മതി. ഉദാരഹണമായി നിങ്ങളുടെ ജനനതീയതി 05/08/1962 ആണെങ്കില്‍ പാസ്‍വേര്‍ഡായി 05081962 എന്ന് നല്‍കിയാല്‍ മതി.  ഇതില്‍ ഓരോ മാസവും നിങ്ങളുടെ പേരില്‍ ക്രെഡിറ്റ് ചെയ്യപ്പെട്ടിട്ടുള്ള തുക കാണാം. അടച്ച തുകയില്‍ വ്യത്യാസമുണ്ടെങ്കില്‍ ഉടനെ തന്നെ നിങ്ങളുടെ ഡിസ്ബേര്‍സിംഗ് ഓഫീസറുടെ ശ്രദ്ധയില്‍പ്പെടുത്തുക.

Share This:

We need you to spread education. Join this effort to contribute, to learn or just to share your knowledge. For more details, please follow the link Share Your Knowledge.

36 comments to ''E-Filing of Income Tax Returns"

ADD COMMENT
  1. wonderful job...sir thanks a lot

    ReplyDelete
  2. I could not verify my e return. I selected option 2, I do not have and evc and I would like to generate evc to verify my return. Only one option appears, through net banking. I have no such net banking. My PAN and adhar does not match. How can verify my return?

    ReplyDelete
  3. for eVerify return , Option 2: “I do not have an EVC and I would like to generate EVC to eVerifymy return”

    Note: “If the Taxpayers Total Income is greater than 5 lakhs or if there is refund,
    Taxpayers are provided with only one option “EVC – Through Net Banking”
    Sir, here total income means whether gross income or taxable income?

    ReplyDelete
  4. for eVerify return , Option 2: “I do not have an EVC and I would like to generate EVC to eVerifymy return”

    Note: “If the Taxpayers Total Income is greater than 5 lakhs or if there is refund,
    Taxpayers are provided with only one option “EVC – Through Net Banking”
    sir, here total income means whether gross income or taxable income?

    ReplyDelete
  5. @Pramod Sankeerthanam
    ഇന്‍കം ടാക്സ് ടെര്‍മിനോളജി അനുസരിച്ച് Total Income എന്നു പറഞ്ഞാല്‍ എല്ലാ ഡിഡക്ഷനും കഴിഞ്ഞതിന് ശേഷമുള്ള Taxable Income ആണ്. പക്ഷെ അതിന് താഴെ വരുമാനമുള്ളവര്‍ക്കും ചിലപ്പോള്‍ Verification Through Netbanking എന്ന ഓപ്ഷന്‍ മാത്രമേ വരുന്നുള്ളൂ. അതിന് മറ്റ് വല്ല മാനദണ്ഡങ്ങളും ഉണ്ടോ എന്ന് അന്വേഷിക്കേണ്ടിയിരിക്കുന്നു.

    ReplyDelete
  6. 2014-15 സാമ്പത്തിക വർഷം tax അടച്ചത്തിൽ 800 രൂപ കുറ വാണ ടച്ചത് . ബാക്കി രൂപ ഏവിടെ ആണ് അടയ്ക്കെണ്ടത്‌ .

    ReplyDelete
  7. @VIVEKANANDA HSS ,POREDOM, KOLLAM
    ബാക്കി അടക്കാനുളള തുക താങ്കള്‍ക്ക് നേരിട്ട് അടക്കാം. ചലാന്‍ നമ്പര്‍ 280 ലാണ് പണം അടയ്ക്കേണ്ടത്. ഇതല്ലാതെ ഓണ്‍ലൈനായും നികുതി അടക്കാവുന്നതാണ്. രണ്ടായാലും നികുതി അടച്ചതിന് ശേഷം അതിന്‍റെ വിവരങ്ങള്‍ കൂടി ഉള്‍പ്പെടുത്തിയതിന് ശേഷം e-filing നടത്തിയാല്‍ മതി.

    ഓണ്‍ലൈനായി നികുതി അടക്കുന്നതിന് ക്ലിക്ക് ചെയ്യുക

    ചലാന്‍ 280 ഡൗണ്‍ലോഡ് ചെയ്യുന്നതിന് താഴെ ക്ലിക്ക് ചെയ്യുക

    ReplyDelete
  8. EVC ലഭിക്കാനായുള്ള പ്രയോജനം ഉപയോഗപ്പെടുത്തുവാന്‍ ശ്രമിച്ചപ്പോഴുണ്ടായ അനുഭവം പങ്കു വെയ്ക്കാം. ആധാറിലെയും പാന്‍കാര്‍ഡിലെയും Name, Date of Birth, Gender എന്നിവ ഒരേ പോലെയാണെങ്കില്‍ ആധാര്‍ ലിങ്കിംഗ് പൂര്‍ത്തിയാകുമെന്നതു ശരി. EPIC, Adhar, Bank a/c Details, Gas, Spark details ...etc ഒരു പോലെയാകുന്നതിനു വേണ്ടി ആധാരില്‍ പേരിനൊപ്പം ഇനിഷ്യല്‍ കൂടിയുണ്ടാക്കി. എന്നാല്‍ PAN Card ല് surname ആവാം, പക്ഷേ ഇനിഷ്യല്‍ പറ്റില്ല. PAN Card details correction നടത്തുവാനായി ഔഓണ്‍ലൈന്‍ ശ്രമം അതോടെ പരാജയപ്പെട്ടിരിക്കുകയാണ്. എന്തെങ്കിലും മാര്‍ഗങ്ങള്‍ കിട്ടിയവര്‍ അറിയിക്കുക. നന്ദി.

    ReplyDelete
  9. Found that I have to pay 200 rs more as tax.....but completed my e-filing and e-verification. Is there any problem????Or do I have to pay the remaining tax after getting any response from the tax department?????Please help....

    ReplyDelete
  10. @Binu Kumar
    Pay remaining tax and file revised retun

    ReplyDelete
  11. thanks for your great effort.
    pls clear one doubt: i when i tried to e verify the already uploaded return, through Option-2(I do not have an EVC and I would like to generate an EVC) only one option is getting:'EVC- through Net banking" the other option(ii. Generate EVC to registered Email Id and Mobile Number) is not visible. how can i e-verify my return using email id and mobile number?

    ReplyDelete
  12. @Lal
    ഒന്നുകില്‍ സാറിന്‍റെ വരുമാനം 5 ലക്ഷത്തില്‍ അധികമാകും അല്ലെങ്കില്‍ സാറിന് റീഫണ്ട് ലഭിക്കാനുണ്ടാകും. ഈ രണ്ട് സന്ദര്‍ഭങ്ങളിലും ഓണ്‍ലൈന്‍ ബാങ്കിംഗ് മുഖേന വെരിഫിക്കേഷന്‍ നടത്തുന്നതിനുള്ള ഓപ്ഷന്‍ മാത്രമേയുള്ളൂ. ഇതിന് സാധ്യമല്ലെങ്കില്‍ സാധാരണ പോലെ പ്രിന്‍റൗട്ട് ബാങ്ക്ലൂരിലേക്ക് അയച്ചാല്‍ മതി.

    ReplyDelete
  13. 1:ആധാര്‍ കാര്‍ഡ്‌ നമ്പര്‍ കൊടുക്കണം എന്ന് നിര്‍ബന്ധം ഉണ്ടോ?
    2:ഒരു ടീച്ചര്‍ നു other ഇന്‍കം ഉണ്ട് (icome from mobile phone tower rent)..ഇത് ഇതു column ല്‍ ഉല്‍പെടുത്തും?
    3:ബാങ്ക് അക്കൗണ്ട്‌ എത്ര ഉണ്ട് എന്ന ചോദ്യത്തിന് 2 എന്ന് കൊടുക്കുകയും ഒരു ബാങ്ക് ഇന്‍റെ details മാത്രം താഴെ കൊടുകുമ്പോള്‍ submit ചെയ്യാന്‍ sadikunila..

    ReplyDelete
  14. @BMB
    1. ആധാര്‍ നമ്പര്‍ നല്‍കണമെന്ന് നിര്‍ബന്ധമില്ല.
    2. Income Details എന്ന ടാബില്‍ B3.Income from Other Sources എന്നതിന് നേരെ എഴുതുക.
    3. ബാങ്ക് അക്കൗണ്ടിന്‍റെ എണ്ണം നല്‍കിയതിനനുസരിച്ച് എല്ലാ ബാങ്ക് അക്കൗണ്ടുകളുടെയും വിവരങ്ങള്‍ നല്‍കണം. എല്ലാം നല്‍കാന്‍ ഉദ്ദേശിക്കുന്നില്ലെങ്കില്‍ വിവരങ്ങള്‍ നല്‍കാന്‍ ഉദ്ദേശിക്കുന്നതിന്‍റെ മാത്രം എണ്ണം നല്‍കിയാല്‍ മതി. എന്തായാലും ഒരു അക്കൗണ്ടിന്‍റെ വിവരങ്ങളെങ്കിലും നല്‍കാതെ സബ്മിറ്റ് ചെയ്യാന്‍ കഴിയില്ല.

    ReplyDelete
  15. Some mistake in submitted e file what can i do is it revised e file 139 (5)

    ReplyDelete
  16. sir,
    what is the difference between last date and due date of filing return

    ReplyDelete
  17. @Dileep Kumar
    Go to Incometaxindiaefiling.gov.in and in home page right side panel click on
    'Know Your Jurisdiction AO' and give PAN Number and Text code and submit

    ReplyDelete
  18. @ANIL
    സാധാരണ ഇ-ഫയലിംഗ് ചെയ്യുന്നത് പോലെ തന്നെ ലോഗിന്‍ ചെയ്യുക.Personal Information എന്ന ടാബില്‍ Filing Status എന്ന സെക്ഷനില്‍ Retun Filed Under Section എന്നുള്ളതിന് നേരെ Revised U/s 139(5) എന്ന് സെലക്ട് ചെയ്യുക. കൂടാതെ Original or Revised എന്നതിന് നേരെ Revised എന്ന് സെലക്ട് ചെയ്യുക. ബാക്കിയെല്ലാം പഴയത് പോലെ തന്നെ. തെറ്റായി ഫയല്‍ ചെയ്തതിന്‍റെ അക്നൌളജ്മെന്‍റ് നമ്പരും തീയതിയും നിര്‍ദ്ധിഷ്ഠ സ്ഥലത്ത് നല്‍കുക.

    ReplyDelete
  19. Our Department is not listed in the Institution Registration option of the Post Metric Scholarship in the National Scholarship Portal. What we have to do for the Registration.
    Martin Paul, HSST Computer Science, St.Thomas HSS Malayattoor.

    ReplyDelete
  20. Sir,
    while doing e filing, I found that total TDS was wrong, it was less than actually deducted from my salary. But in 26AS every thing correct. How can I solve this issue?

    ReplyDelete
  21. "ഒരു സാധാരണ വ്യക്തിയുടെ ഡിഡക്ഷനുകള്‍ കഴിഞ്ഞതിന് ശേഷമുള്ള വരുമാനം 2.5 ലക്ഷം രൂപയില്‍ കൂടുതലാണെങ്കില്‍ റിട്ടേണ്‍ സമര്‍പ്പിക്കണം".എന്നാണ് Abdu Rahman സാര്‍ പറയുന്നത്. പക്ഷേ IT Department പറയുന്നതിങ്ങനെ "7. Obligation to file return
    Every individual or HUF whose total income before allowing deductions under Chapter VI-A of the Income-tax Act, exceeds the maximum amount which is not chargeable to income-tax is obligated to furnish his return of income". ഇതില്‍ ഏതാണ് ശരി? "പേപ്പര്‍ റിട്ടേണ്‍ സമര്‍പ്പിക്കുന്നതിന് നിശ്ചിത മാതൃകയും നിറങ്ങളുമുള്ള പ്രത്യേക ഫോം തന്നെ വേണം. അത് കടകളില്‍ നിന്നും വാങ്ങിക്കാനോ ഇന്‍റര്‍ നെറ്റില്‍ നിന്നും ഡൗണ്‍ലോഡ് ചെയ്യാനോ ലഭിക്കില്ല". എന്ന് Abdu Rahman സാര്‍ പറയുന്നു. എന്നാല്‍ IT Department ന്‍റെ സൈറ്റില്‍ നിന്ന് ഫോം ഡൗണ്‍ലോഡ് ചെയ്യാവുന്നതാണ്. നിറത്തിന്‍റെ കാര്യം സംബന്ധിച്ച പരാമര്‍ശങ്ങളൊന്നും instrunctions ല്‍ കാണുന്നില്ല.

    ReplyDelete
    Replies
    1. സര്‍,
      80 സി മുതല്‍ 80 യു വരയുള്ള ഡിഡക്ഷനുകള്‍ക്ക് മുമ്പുള്ള വരുമാനം (അഥവാ പ്രൊ
      പ്രൊഫഷണല്‍ ടാക്സ്, വീട്ടു വാടക അലവന്‍സ്, കാര്‍ഷിക വരുമാനം തുടങ്ങിയ ഡിഡക്ഷനുകള്‍ക്ക് ശേഷം) 2.5 ലക്ഷത്തില്‍ കൂടുതലാണെങ്കില്‍ റിട്ടേണ്‍ സമര്‍പ്പിക്കണം എന്നതാണ് ശരി.
      അതു പോലെ മുന്‍വര്‍ഷങ്ങളില്‍ ITR ഫോമുകള്‍ക്ക് നിശ്ചിത നിറങ്ങളും വലിപ്പവും ഒക്കെ നിഷ്കര്‍ഷിച്ചിരുന്നു. എന്നാല്‍ ഫോറങ്ങളുടെ ലഭ്യതക്കുറവു കാരണം ഫോട്ടോസ്റ്റാറ്റ് ഉപയോഗിക്കാന്‍ അനുവദിച്ചിരുന്നു. ഇപ്പോള്‍ വെബ്സൈറ്റിലും ഫോം ഡൗണ്‍ലോഡ് ചെയ്യാന്‍ ലഭ്യമാണ്. അതും ഉപയോഗിക്കാവുന്നതാണ്
      പോസ്റ്റിലെ വിവരങ്ങള്‍ ഇതിനനുസരിച്ച് തിരുത്തിയിട്ടുണ്ട്... നന്ദി

      Delete
  22. sir
    My appointment is approved only last month and and i have arrears of 30 plus months, so the total amount is above 10 Lakhs, whether i should submit the advance tax as 20% of total amount with the arrear bill itself ? or should i pay the actual tax with the help of 10E form or any other suggestion .Please replay as soon as possible .Thank you

    ReplyDelete
    Replies
    1. Pay actual tax by deducting arrears u/s 89(1), ie 10E

      Delete
  23. i cant see any provision to deduct NPS amount in new return. can enter in 80ccd , but not deducted.. toal 150000 only. but for NPS 200000???

    ReplyDelete
    Replies
    1. while efiling, show additional contribution to NPS against 80CCD(1) ie Sl.No C3

      Delete
    2. Sorry to disagree with you sir,
      Income tax laws allow tax deduction for contributions to NPS under three sections. First, the employee's contribution under Section 80CCD(1). This deduction is under the overall Rs 1.5 lakh limit under Section 80C.
      so you have to enter this amount in a new Section 80CCD(1B)(ie serial no C4) under which a taxpayer can claim deduction for voluntary contribution of up to Rs 50,000.

      Delete
  24. Keep going..Nice Work.simple and helpful..جزاك الله خير

    ReplyDelete
  25. Sir, I had filed e-return as per your notes. I have claimed relief under section 89 and filed 10 E form online in addition to return form. still a demand notice is received to me for remitting the amount claimed as relief.
    What is the solution to get relief.

    ReplyDelete

  • To add an Emoticons Show Icons
  • To add code Use [pre]code here[/pre]
  • To add an Image Use [img]IMAGE-URL-HERE[/img]
  • To add Youtube video just paste a video link like http://www.youtube.com/watch?v=0x_gnfpL3RM